Türkiyənin xarici işlər və müdafiə rəhbərliyi Dəməşqə səfər edib

Türkiyənin xarici işlər naziri Hakan Fidan, milli müdafiə naziri Yaşar Gülər və Milli Kəşfiyyat İdarəsinin (MİT) rəhbəri İbrahim Kalın Suriyanın paytaxtı Dəməşqə səfər ediblər.

Nümayəndə heyəti Suriya Prezidenti Əhməd əş-Şaraa və digər rəsmi şəxslərlə görüşəcək.

Səfər çərçivəsində Türkiyə–Suriya münasibətlərinin son bir ildəki gedişatı, siyasi, iqtisadi və təhlükəsizlik aspektləri müzakirə olunacaq. Tərəflər həmçinin Türkiyənin milli təhlükəsizlik prioritetləri baxımından əhəmiyyətli olan 10 Mart Sazişinin icra vəziyyətini və Suriyanın cənubunda yaranan təhlükəsizlik risklərini dəyərləndirəcəklər.

Bundan əlavə, Türkiyə və Suriya arasında ortaq maraqlar, eləcə də Suriyanın İŞİD-ə qarşı Beynəlxalq Koalisiyada (ICAI) son iştirakı kontekstində əməkdaşlıq imkanlarının müzakirəsi gözlənilir.