BŞTİ-yə 2025-ci ildə 161 mindən çox müraciət daxil olub

2025-ci təqvim ili ərzində Bakı Şəhəri üzrə Təhsil İdarəsinə 161 422 müraciət daxil olub. Bu barədə qurumdan bildirilib.

Müraciətlərin böyük hissəsi cavablandırılaraq operativ həll edilib, digərləri isə araşdırmaya yönləndirilib.

Statistikaya görə, BŞTİ-nin 146-1 nömrəli Çağrı Mərkəzinə 94 323 zəng daxil olub. Rəhbərlik və struktur bölmə rəhbərləri tərəfindən 3 578 vətəndaşın müraciəti dinlənilib.

Vətəndaşların Qəbulu Mərkəzinə 30 050 müraciət daxil olub. Ümumilikdə 33 471 sənəd qeydə alınıb, o cümlədən 9 126 ərizə, 5 483 elektron müraciət və digər qurumlardan göndərilən sənədlər.