Zelenski Trampdan Ukraynaya 50 illik təhlükəsizlik zəmanəti istəyib

Ukrayna Prezidenti Vladimir Zelenski ABŞ Prezidenti Donald Trampdan Kiyevə 30-50 illik təhlükəsizlik zəmanəti verməsini istəyib. Bu barədə RBC-Ukraine xəbər verir.

Zelenski Floridada Trampla görüşündən sonra bildirib ki, Ukraynadakı münaqişə "təxminən 15 ildir" davam edir və buna görə təhlükəsizlik zəmanətləri uzadılmalıdır.

Dekabrın 28-də Palm Biçdə keçirilən görüş iki saat yarımdan çox davam edib və tərəflər münaqişənin mümkün həlli üzrə mövqelərində yaxınlaşma əldə etdiklərini açıqlayıblar. Lakin ərazi məsələləri və Donbasın gələcəyi hələ də həll olunmayıb. Tramp bildirib ki, bir neçə həftə ərzində konkret razılaşmaların mümkünlüyü aydın olacaq.

Görüşdən əvvəl Tramp Rusiya Prezidenti Vladimir Putinlə telefonla danışıb və söhbəti "yaxşı və məhsuldar" adlandırıb.

Aytac