Ötən il Azərbaycanda əcnəbilər üçün iş icazəsinə 10 minə yaxın müraciət daxil olub

2025-ci ildə əcnəbilərin Azərbaycan ərazisində haqqı ödənilən əmək fəaliyyəti ilə məşğul olması üçün işəgötürənlər tərəfindən 10 612 müraciət daxil olub. Bu barədə Anews.az-ın sorğusuna Dövlət Miqrasiya Xidmətindən bildirilib.

Məlumata görə, iş icazələrinin verilməsi və müddətinin uzadılması ilə bağlı müraciətlər əsasən tikinti, emal sənayesi və digər 17 iqtisadi fəaliyyət növü üzrə həyata keçirilib.

İşəgötürənlər yalnız öz müəssisələrində işə cəlb etdikləri əcnəbiləri işlə təmin etməli və onlarla icazənin qüvvədə olduğu müddət ərzində əmək müqaviləsi bağlanılır. Miqrasiya Məcəlləsinin 64-cü maddəsində sadalanan hallardan başqa, iş icazəsi olmadan əcnəbilərlə əmək müqaviləsi bağlanması qadağandır.

Aytac Zeynalova