Ötən il uşaqlara ən çox verilən adların sayı açıqlanıb

Ədliyyə Nazirliyinin məlumatına görə, 2025-ci ildə oğlan uşaqlarına ən çox “Uğur” adı qoyulub (1 721 uşaq).

Sonrakı yerləri Raul (1 301), Hüseyn (1 164), Əli (1 151), Yusif (1 100), Miran (855), Ömər (784), Ayxan (737), Tunar (693) və Murad (677) tutur.

Qız uşaqları arasında ən populyar ad “Melisa” olub (1 200 uşaq), onu Zeynəb (1 129), Məryəm (1 127), Nilay (1 112), Aylin (1 095), Zəhra (1 066), Ayla (1 053), İnci (950), Alisa (946) və Fatimə (803) izləyir.

Son beş ildə oğlanlarda ən çox verilən ad “Uğur” (7 387 uşaq), qızlarda isə “Zəhra” (5 772 uşaq) olub. Oğlanlarda Əli (6 125), Hüseyn (5 807), Yusif (5 487), qızlarda isə Məryəm (5 277), Zeynəb (5 253), Aylin (5 087), Nilay (4 698) adları üstünlük təşkil edib.