Bayram günlərində təcili tibbi yardım xidmətinə rekord sayda müraciət qeydə alınıb

Tibbi Ərazi Bölmələrini İdarəetmə Birliyinin (TƏBİB) məlumatına görə, 31 dekabr 2025–4 yanvar 2026-cı il tarixlərində Azərbaycanda təcili tibbi yardım xidmətinə ümumilikdə 27 779 çağırış daxil olub.

Bunlardan 14 449-u Bakı, 13 330-u isə bölgələr üzrə qeydə alınıb. Ümumilikdə 2 193 nəfər müxtəlif tibb müəssisələrinə hospitalizasiya olunub; digərlərinə yerində zəruri tibbi yardım göstərilib. Hospitalizasiya olunanlardan 1 077-si Bakı, 1 116-sı isə bölgələrdə olub.

Ən yüksək müraciət sayı 1 yanvar 2026-cı il tarixində Bakı şəhərində qeydə alınıb və 3 101 çağırışla son illərin rekordunu yaradıb.