Azərbaycan nefti bahalaşıb

Dünya bazarında “Azeri Light” markalı Azərbaycan neftinin bir barelinin qiyməti 1,68 ABŞ dolları və ya 2,62% artaraq 65,80 ABŞ dolları təşkil edib. 

Hərracların nəticələrinə görə, “Brent” markalı neftin mart ayı üçün fyuçersləri 62,96 ABŞ dolları səviyyəsində formalaşıb.

Türkiyənin Ceyhan limanında FOB bazasında “Azeri Light” neftinin bir barelinin qiyməti 1,68 ABŞ dolları və ya 2,7% artaraq 63,96 ABŞ dolları olub.

Azərbaycanın 2025-ci il dövlət büdcəsində bir barel neftin orta qiyməti 65 ABŞ dolları səviyyəsində nəzərdə tutulub.

Məlumat üçün bildirək ki, “Azeri Light” neftinin minimum qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları olub. Bu marka üzrə neft hasilatı “Azəri-Çıraq-Günəşli” (AÇG) yataqlar blokunun işlənməsi haqqında saziş çərçivəsində həyata keçirilir; sazişdə SOCAR-ın payı 31,65% təşkil edir.