Ötən il 46 nəfər zəhərlənmədən ölüb

2025-ci ildə Kliniki Tibbi Mərkəzin Toksikologiya şöbəsinə zəhərlənmə səbəbi ilə 1 188 nəfər müraciət edib. Bu barədə qurumdan bildirilib 

Tibbi yardım nəticəsində 1 142 pasiyentin vəziyyəti stabilləşdirilib və onlar ambulator müalicə üçün evə buraxılıb.

Zəhərlənmələr- dərman preparatları – 495 nəfər, sirkə turşusu – 352 nəfər, ilan sancması – 78 nəfər, dəm qazı – 66 nəfər,  allergik reaksiyalar – 65 nəfər, fosfor üzvi birləşmələri – 40 nəfər, spirtli içkilər – 22 nəfər olub. 

Bundan əlavə, rodentisidlər, həşərat və kimyəvi maddələr, yandırıcı və həlledici məhlullar, tüstü, neft məhsulları, yabani bitkilər və inhalyasion zəhərlənmələr üzrə də müraciətlər qeydə alınıb.

Hesabat ilində 46 nəfərin (32 kişi, 14 qadın) həyatını xilas etmək mümkün olmayıb. Ölüm hallarının əsas səbəbi dərman və sirkə turşusu ilə zəhərlənmə nəticəsində yaranan ağır toksik vəziyyətlər olub.

Gülnar