Azərbaycanda mövsümi respirator infeksiyalar yayılır, pnevmoniya riski var

Səhiyyə Nazirliyinin Respublika Gigiyena və Epidemiologiya Mərkəzi ölkədə mövsümi kəskin respirator virus infeksiyalarının yayılmasını təsdiqləyib. Bu barədə Apa məlumat yayıb.

Mərkəz bildirib ki, bu, infeksiyaların kütləvi yayılması demək deyil.

Pnevmoniya əsasən qrip və digər virus infeksiyalarının vaxtında müalicə olunmaması, həkimə gec müraciət və zəif immunitet nəticəsində meydana çıxır. Hava şəraitinin kəskin dəyişməsi və insanların qapalı, zəif havalandırılan məkanlarda cəmləşməsi infeksiyaların yayılma riskini artırır.

Mərkəz əhaliyə şəxsi gigiyena qaydalarına əməl etməyi, qapalı məkanların müntəzəm havalandırılmasını və xəstəliyin ilk əlamətləri zamanı həkimə müraciət etməyi tövsiyə edib. Risk qrupuna daxil olan şəxslərdən kütləvi toplaşmalardan uzaq durmaları xahiş olunur. Epidemioloji vəziyyət stabildir və əlavə narahatlıq üçün əsas yoxdur.

Aytac