Bakıda 47 yolayrıcında velosiped bölmələri quraşdırılıb

Daxili İşlər Nazirliyinin Nəqliyyatı İntellektual İdarəetmə Mərkəzi 47 yolayrıcında mövcud işıqforlara 115 velosiped bölməsi quraşdıraraq istifadəyə verib.

Yeni bölmələr Yasamal, Səbail və Xətai rayonlarında bir sıra kəsişmələrdə, o cümlədən Hüseyn Cavid prospekti ilə Əbdürrəhim bəy Haqverdiyev küçəsi, Neftçilər prospekti ilə Bülbül prospekti və Xaqani küçəsi ilə Azadlıq prospekti kəsişmələrində yerləşdirilib.

Velosiped bölmələri yeni nəsil LED işıqlandırma ilə təchiz olunub və mikromobilliyin inkişafını təşviq etmək məqsədilə quraşdırılıb.