FHN dumanlı hava ilə bağlı kiçikhəcmli gəmi istifadəçilərinə xəbərdarlıq edib

Fövqəladə Hallar Nazirliyi (FHN) ölkədə müşahidə olunan dumanlı hava şəraiti ilə bağlı kiçikhəcmli gəmi istifadəçilərinə müraciət ünvanlayıb.

Milli Hidrometeorologiya Xidmətinin məlumatına görə, Xəzər dənizinin Bakı və Abşeron istiqamətlərində görünüş məsafəsi 50–500 metr olacaq.

FHN bildirib ki, təhlükəsizliyin təmin olunması məqsədilə dumanlı hava şəraitində kiçikhəcmli gəmilərin istismarı qadağandır.

Təhlükə zamanı 112 xidmətinə müraciət etmək tövsiyə olunur.