Tərtərdə narkotik və silah satışı ilə bağlı şəxs həbs edilib

Tərtərdə polis əməkdaşları narkotik vasitə və odlu silahların satışını təşkil etməkdə şübhəli bilinən şəxsi saxlayıb. Bu barədə  Daxili İşlər Nazirliyi məlumat yayıb. 

Əməliyyat Tərtər Rayon Polis Şöbəsinin əməkdaşları tərəfindən həyata keçirilib.

Polisin açıqlamasına əsasən, əvvəllər məhkum olunmuş Qorxmaz Əhmədov saxlanılarkən ondan bir ədəd AK-74 markalı avtomat, silaha aid daraq və üç ədəd patron aşkar edilərək götürülüb.

Bundan əlavə, şübhəlinin yaşadığı ünvandan marixuana maddəsi tapılıb.

İstintaq materiallarına görə, Əhmədov silah-sursatı Tərtər rayonu ərazisində 1500 manat müqabilində satmağı planlaşdırıb.

Faktla bağlı cinayət işi açılıb, saxlanılan şəxs barəsində məhkəmənin qərarı ilə həbs qətimkan tədbiri seçilib. Hazırda araşdırma davam etdirilir.

Aytac