Ötən il 515 uşaq zorakılığa məruz qalıb

2025-ci il ərzində Azərbaycanda 83 kişi psixoloji və iqtisadi zorakılığa məruz qalıb. Bu barədə “Report”un sorğusuna cavab olaraq Ailə, Qadın və Uşaq Problemləri üzrə Dövlət Komitəsi məlumat verib.

2024-cü ildə ölkədə 52 kişi psixoloji və iqtisadi zorakılığa məruz qalmışdı. 

Ötən il məişət zorakılığı ilə bağlı komitəyə ümumilikdə 558 müraciət daxil olub. Müraciətlərin 83-ü kişilər, 539-u qadınlar, 515-i isə uşaqların zorakılığa məruz qalması ilə bağlıdır.

Daxil olan müraciətlərin növlərinə görə, 169-u psixoloji, 35-i iqtisadi, 343-ü fiziki, 11-i isə cinsi zorakılıqla bağlı olub.