UNRWA yaxın həftələrdə Ankarada ofis açacaq

Birləşmiş Millətlər Təşkilatının Fələstin Qaçqınlarına Yardım və İşlərin Təşkili Agentliyi (UNRWA) yaxın həftələrdə Türkiyənin paytaxtı Ankarada ofis açmağı planlaşdırır. Bu barədə agentliyin rəhbəri Filip Lazzarini cümə axşamı bildirib.
“Türkiyə hökuməti ilə yekun saziş imzalanıb və sənəd bu dəfə parlament tərəfindən də təsdiqlənib,” – Lazzarini jurnalistlərə deyib.

Onun sözlərinə görə, saziş bir neçə həftə ərzində qüvvəyə minəcək.

Bu açıqlama UNRWA-nın “ciddi” maliyyə böhranı ilə üzləşdiyini elan etməsindən bir gün sonra səsləndirilib. Agentlik maliyyə çətinlikləri səbəbindən Qəzzadan qaçan yüzlərlə əməkdaşını işdən çıxarmağa məcbur qalıb.

Gülnar