Hesablama Palatası Dövlət Ehtiyatları Agentliyində maliyyə nöqsanları aşkarlayıb

Hesablama Palatası Dövlət Ehtiyatları Agentliyində dövlət vəsaitlərinin və əmlakının idarə olunmasının qanunvericiliyə uyğunluğunu yoxlayıb və bir sıra maliyyə nöqsanlarını müəyyən edib. Bu barədə report məlumat yayıb. 

Palatanın hesabatına görə, dövlət büdcəsinin investisiya xərcləri hesabına lokomotivlərin alınması üçün ayrılan 1 milyon manat və taxıl elevatorlarının əsaslı təmiri üçün nəzərdə tutulan 200 min manat düzgün uçota alınmayıb. 2023-cü ilin sonuna qədər lokomotivlərin alınması üçün 822 min 184 manat xərclənib, əlavə 44 min 250 manat isə texniki yoxlama və rəy üçün sərf olunub. Lakin bu məbləğlər Nazirlər Kabinetinin 22 oktyabr 2010-cu il qərarına uyğun olaraq Agentliyin nizamnamə fonduna daxil edilməyib.

Hesablama Palatası nöqsanların aradan qaldırılması üçün tövsiyələr verib, lakin məsələnin həlli hələ təmin olunmayıb və auditin izlənilməsi davam edir.

 Dövlət Ehtiyatları Agentliyi strateji əhəmiyyətli dövlət əmlakını və ehtiyatlarını idarə edir. 

Gülnar