Suların İstifadəsinə və Mühafizəsinə Dövlət Nəzarəti Xidmətinə yeni rəis müavini təyin olunub

Azərbaycan Dövlət Su Ehtiyatları Agentliyi (ADSEA) yanında Suların İstifadəsinə və Mühafizəsinə Dövlət Nəzarəti Xidmətinin (SİMDNX) yeni rəis müavini Əliağa Əzizov təyin edilib.

ADSEA sədri Zaur Mikayılovun əmrinə əsasən, Ə.Əzizov Xidmət üzrə ikinci rəis müavini vəzifəsinə gətirilib. Təyinatla bağlı keçirilən tədbirdə Xidmət rəisi Rafiq Aslanov çıxış edərək, ölkə başçısının rəhbərliyi ilə dünən keçirilmiş müşavirənin Azərbaycanın su təhlükəsizliyi sahəsində aparılan islahatların strateji əhəmiyyətini bir daha göstərdiyini bildirib.

Əliağa Əzizov 2017-ci ildə Azərbaycan Memarlıq və İnşaat Universitetində meliorasiya və su təsərrüfatı tikintisi ixtisasını bitirib, 2018–2020-ci illərdə BMT-nin FAO proqramı çərçivəsində Macarıstanda “Su ehtiyatlarının idarə edilməsi” üzrə magistr təhsili alıb və Hollandiyada su diplomatiyası üzrə ixtisasartırma kursunu tamamlayıb. 2020-ci ildən ADSEA-nın müxtəlif struktur bölmələrində çalışıb.

Aytac