Qusarda yol-nəqliyyat hadisəsində iki məktəbli xəsarət alıb

Qusar rayonunda yolu keçən iki məktəbli qızı avtomobil vurub.

APA-nın məlumatına görə, 2009 və 2010-cu il təvəllüdlü qızlar Qusar Rayon Mərkəzi Xəstəxanasına çatdırılıb.

Təcili tibbi yardım şöbəsində aparılan müalicə nəticəsində onlara qapalı kəllə-beyin travması və bədənin müxtəlif nahiyələrinin əzilməsi diaqnozları qoyulub, vəziyyətləri stabil qiymətləndirilir.