Yanvarın 13-də Azərbaycanda 86 cinayətin açılması təmin olunub

Yanvarın 13-də ölkə ərazisində 81 cari, eləcə də əvvəlki dövrlərdən bağlı qalan 5 cinayətin açılması polis əməkdaşları tərəfindən təmin edilib. Bu barədə Daxili İşlər Nazirliyinin məlumatında qeyd olunub. 

DİN bildirir ki, axtarışda olan ümumilikdə 131 nəfər, o cümlədən borclu şəxs qismində axtarışda olan 109 nəfər saxlanılaraq aidiyyəti üzrə təhvil verilib.

Məlumata əsasən, gün ərzində narkotiklərlə əlaqəli 47 fakt, həmçinin qanunsuz saxlanılan silah-sursatın götürülməsi və aşkarlanması ilə bağlı 35 fakt müəyyən edilib.

Cinayət törətməkdə şübhəli bilinən 60 nəfər saxlanılıb.

DİN əməliyyat-axtarış tədbirlərinin davam etdirildiyini bildirib.

Gülnar