Azərbaycan 4 ermənini Ermənistana təhvil verib

Azərbaycan və Ermənistan arasında əldə olunmuş ikitərəfli razılığa uyğun olaraq Azərbaycan Respublikasının Cinayət Məcəlləsinin müxtəlif maddələri ilə təqsirli bilinərək ölkəmizdə cəza çəkən Vaqif Xaçatryan, Gevorq Sujyan, David Davtyan və Vigen Eulcekyan Ermənistana təhvil verilib. Bu barədə Ermənistanın baş naziri Nikol Paşinyan deyib.

O bildirib ki, onlar hazırda Ermənistan ərazisindədirlər.

Xaçaturyan 2023-cü ilin iyulun 29-da Beynəlxalq Qırmızı Xaç Komitəsinin vasitəçiliyi ilə müalicə almaq adı altında Ermənistana getmək istəyərkən Dövlət Sərhəd Xidmətinin hərbi qulluqçuları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılmışdı.

Məhkəmənin qərarı ilə Vaqif Xaçatryan 15 il azadlıqdan məhrum edilmişdi. 

Eyni zamanda Azərbaycanda casusluqda, qanunsuz silahlı birləşmə yaratmaqda və dövlət sərhədini qanunsuz keçməkdə ittiham olunan Davtyan Davit Tiqrani və Sujyan Gevorg Rubenoviç barəsində  15 il müddətinə azadlıqdan mərhum etmə qərarı verilmişdi.

Gülnar Nazimqızı