Payız sessiyasında Ailə, qadın və uşaq komitəsində 5 qanun müzakirə olunub

Milli Məclisin Ailə, qadın və uşaq məsələləri komitəsi 2025-ci il parlamentin payız sessiyası ərzində 13 iclas keçirib və 15 məsələyə baxıb. Bu barədə komitənin sədri Hicran Hüseynova məlumat verib.

Onun sözlərinə görə, sessiya çərçivəsində 5 qanun layihəsi müzakirə olunub. Qanunlar ailə institutunun möhkəmləndirilməsinə, həmçinin qadınların hüquq və müdafiəsinin gücləndirilməsinə yönəlib.

Hüseynova bildirib ki, komitə hesabat dövründə 3 beynəlxalq səviyyəli görüş keçirib, komitə sədri və üzvləri isə parlamentdə və ölkə daxilində təşkil olunan müxtəlif forum və tədbirlərdə iştirak ediblər.

Komitə fəaliyyəti çərçivəsində vətəndaşların ərizə və müraciətləri də diqqətdə saxlanılıb, qaldırılan məsələlərlə bağlı aidiyyəti dövlət qurumlarına məktublar göndərilib və bir sıra problemlərin həllinə nail olunub.

Gülnar Nazimqızı