DİN: Yanvarın 15-də 76 cinayət açılıb, 61 şübhəli saxlanılıb

Azərbaycanın daxili işlər orqanları yanvarın 15-də ölkə ərazisində qeydə alınan 74, əvvəlki dövrlərdən bağlı qalan isə 2 cinayətin açılmasını təmin edib. Bu barədə Daxili İşlər Nazirliyinin Mətbuat Xidməti məlumat yayıb.

Məlumata görə, axtarışda olan 126 nəfər, o cümlədən 108 borclu şəxs saxlanılaraq aidiyyəti üzrə təhvil verilib.

Polis əməkdaşları tərəfindən aparılan əməliyyat tədbirləri nəticəsində narkotiklərlə əlaqəli 45 fakt, qanunsuz saxlanılan silah-sursatın aşkarlanması və götürülməsi ilə bağlı isə 65 fakt müəyyən edilib.

Nazirlik bildirir ki, cinayət törətməkdə şübhəli bilinən 61 nəfər də saxlanılıb.

DİN-in məlumatına əsasən, hüquq-mühafizə orqanları tərəfindən cinayətkarlığa qarşı mübarizə və ictimai təhlükəsizliyin təmin olunması istiqamətində əməliyyat və profilaktik tədbirlər davam etdirilir.

Gülnar