Ehtiyac olarsa uşaqlara qarşı sərt qanunlar qəbul etməliyik - Deputat

Milli Məclisin üzvü Jalə Əliyeva uşaqların sosial şəbəkələrdən asılılığının artdığına diqqət çəkərək, mövcud qanunların  bəzi hallarda sərtləşdirilməsinin zəruriliyini vurğulayıb.

Əliyeva bildirib ki, hər gün xoşagəlməz hallarla qarşılaşılır və uşaqların yaxşılığı üçün sərt, lakin doğru qərarlar qəbul edilməlidir.

"Çox təəssüf olsun ki, hər gün xoşagəlməz hallarla qarşılaşırıq. Uşaqların sosial şəbəkədən asılı olduğunu görürük. Bunun üçün qanunların sərtləşdirilməsi lazımdır. Uşaqlar inciməsin. Nə deyiriksə, onların yaxşılığı üçün deyirik. Bəzən ailədə sərt olmaq lazımdır. Demokratiya olmaqla yanaşı, lazımı məqamlarda qərarlar verməliyik. Biraz diqqətli olun. Övladlarınızın nə ilə məşğul olduğunu görün. Qanunlarda diqqətinizi əsirgəməyin. Ailələr uşaqlarının fəaliyyətinə diqqət yetirməli, onların sosial şəbəkələrdə nə ilə məşğul olduğunu izləməlidirlər", - deputat bildirib. 

Deputat qeyd edib ki, demokratiya prinsipləri qorunmalı olsa da, müəyyən vəziyyətlərdə sərt qərarlar vermək qaçılmazdır və qanunların tətbiqində diqqətin əsirgənməsi yolverilməzdir.

Gülnar Nazimqızı