İranda etirazlar zamanı ölənlərin sayı 4 min nəfəri ötüb

İranda iqtisadi problemlərə etirazlar zamanı ölənlərin sayı 4 029 nəfərə çatıb. Bu barədə HRANA xəbər agentliyi bildirib. 

Agentliyin məlumatına görə, iğtişaşlar zamanı 26 015 nəfər həbs olunub, 5 811 nəfər isə ağır yaralanıb. Ölənlərdən 3 919 nəfəri təsdiqlənib, 9 049 ölüm hadisəsi isə araşdırılır.

ABŞ-ın Virciniya ştatında yerləşən agentlik həmçinin internet kəsintilərinin hələ də davam etdiyini və geniş yayılmış kəsintilər fonunda dəqiq məlumatların toplanmasının çətinləşdiyini qeyd edib.

Aytac