Deputat təklif edir ki, minalarla bağlı ictimai dinləmə keçirilsin

Milli Məclisin deputatı Rizvan Nəbiyev mina təhlükəsizliyi məsələsi ilə bağlı parlament dinləməsinin keçirilməsini təklif edib.

Onun sözlərinə görə, mina təhdidi yalnız təhlükəsizlik deyil, eyni zamanda ekoloji və sosial sahələr üçün ciddi risklər yaradır.

Deputat bildirib ki, mövzunun əhatəli müzakirəsi üçün bir neçə aidiyyəti dövlət qurumunun iştirakı ilə dinləmə təşkil oluna bilər.

Nəbiyev eyni zamanda küçə itləri ilə bağlı məsələyə də toxunaraq, bu problemin vətəndaşların gündəlik təhlükəsizliyinə birbaşa təsir etdiyini qeyd edib.

“Bu mövzuda yanaşma zamanı humanist prinsiplərlə yanaşı, vətəndaşların təhlükəsizliyi də əsas meyar olmalıdır”, – o vurğulayıb.

Gülnar Nazimqızı