Alimin 70 yaşında aldığı ordeni uğurlu idmançı 20 yaşında ala bilər - Deputat

Milli Məclisin deputatı Eyvaz Qurbanov Azərbaycanda uşaq idmanında boşluqların mövcud olduğunu bildirib və bu sahəyə diqqətin artırılmasına çağırıb.

Deputatın sözlərinə görə, hazırda bəzi hallarda xarici idmançıların cəlbinə milyonlarla vəsait xərclənir, lakin bu idmançılar müəyyən müddətdən sonra ölkəni tərk edirlər.

Qurbanov hesab edir ki, həmin vəsaitlər yerli uşaqların və gənclərin inkişafına yönəldilsə, daha davamlı və effektiv nəticələr əldə oluna bilər.

“Biz idman ölkəsiyik. Əgər bu pulları öz uşaqlarımıza xərcləsək, nəticələr daha yaxşı olar”, –  deputat vurğulayıb.

Eyvaz Qurbanov əlavə edib ki, düzgün və məqsədli təbliğat aparılmalıdır. Xüsusilə təhsildə uğrlu olmayan uşaqların idmana cəlb edilməsi vacibdir.

Onun fikrincə, gənclərə idmanın verdiyi imkanlar aydın şəkildə izah edilməlidir.

“Uğurlu idmançı 20 yaşında Şöhrət ordeni ala bilər. Alim isə bu mükafata bəzən yalnız 70 yaşında çatır, çünki onun işi illərlə davam edən araşdırmalardır”, - o bildirib. 

Gülnar Nazimqızı