Səhiyyə Nazirliyi monitorinq aparmasa qanunun ciddi mənfi təsirləri olacaq - Deputat

Onkoloji xəstələrin müalicəsi yüksək ixtisaslı onkoloqların iştirakı olmadan mümkün deyil. Bunu  Milli Məclisdə Əhliman Əmiraslanov "onkoloji yardım haqqında" qanuna münasibət bildirərkən deyib. 

Onun sözlərinə görə, onkoloji cərrahların əməliyyat taktikasının ümumi cərrahların yanaşmasından fərqləndiyi nəzərə alınmalıdır.

"Onkooji xəstələrin müalicəsi spesifikdir. Bu məsələdə Səhiyyə Nazirliyinin üzərinə iş düşür. Yüksək ixtisaslı onkoloq olmadan bu müalicələri keçirtmək olmaz. Onkoloji cərrahın əməliyyata baxışı taktikası ümumi cərrahların yanaşmasından fərqlənir. Bir orqanda onkoloji xəstəlik varsa, həmin yeri kəsməklə iş bitmir. Bu prosesləri özəl klinikalarda kadrlar olmasa, bu qanun işləməyəcək. Səhiyyə Nazirliyi çox ciddi monitorinq aparmalıdır. Baxmalıdırlar ki, hansı xəstəxanalarda bu kadrlar var", - deputat bildirib.

 Onun fikrincə, müalicə prosesinin bir neçə komponenti var və məsələyə diqqət yetirilməsə, qanunun mənfi nəticələri ola bilər.

Gülnar Nazimqızı