Bakıda sərnişin avtobusu zəncirvari qəza törətdi

Ötən gecə paytaxtda sərnişin avtobusunun iştiraki ilə zərcirvari yol qəsazı baş verib. ANS PRESS-in məlumatına görə, metronun “Gənclik” stansiyası yaxınlığındakı yol ötürücüsündə qeydə alınan hadisə zamanı 3 avtomaşın toqquşub. 202 saylı xətt marşrutu üzrə hərəkət edən “Daewoo” markalı sərnişin avtobusu tunellə üzü Ağa Nemətulla küçəsi istiqamətində hərəkətdə olarkən idarəetmədən çıxıb. Nəticədə avtobus qarşısında gedən VAZ 2107 markalı minik maşınına dəyib. “Jiqulu” isə öz növbəsində “KİA” markalı digər nəqliyyat vasitəsinə çırpılıb. Xoşbəxtlikdən istər avtobusda olan sərnişinlər, istərsə də sürücülər arasında xəsarət alan olmayıb.ANN.Az