İnsan hüquqları komitəsi payız sessiyasında 11 məsələni müzakirə edib

Milli Məclisinin İnsan hüquqları komitəsi 2025-ci ilin payız sessiyası ərzində  komitənin 10 iclası keçirilib, 11 məsələ müzakirə olunub. Bu barədə komitə sədri Zahid Oruc məlumat verib. 

Bunlardan dördü qanun layihəsi olub və komitə tərəfindən Milli Məclisin müzakirəsinə tövsiyə edilib, daha sonra parlament tərəfindən qəbul edilib.

O bildirib ki, müzakirə edilən qanun layihələri əmək, mülki prosessual və inzibati məcəllələrə, habelə uşaq hüquqları, sosial müdafiə, təhsil, səhiyyə, pensiya təminatı, insan alverinə qarşı mübarizə və digər sahələrə dair dəyişiklikləri əhatə edib. Qanun layihələrindən bəziləri üçüncü oxunuşda qəbul olunub.

Onun sözlərinə görə, payız sessiyası dövründə quruma 328 vətəndaş müraciəti daxil olub.

Onlardan 33-ü təkrar müraciətlər olub. Müraciətlərin böyük hissəsi araşdırılaraq aidiyyəti dövlət orqanlarına göndərilib, 155 müraciət isə yazılı şəkildə cavablandırılıb.

Hesabatda qeyd olunub ki, komitə üzvləri sessiya müddətində vətəndaşların mütəmadi qəbulunu həyata keçirib və daxil olan sənədlərlə bağlı geniş profilli iş aparıb. Müraciətlərin əsas mövzuları hüquq-mühafizə orqanlarının fəaliyyəti, sosial müdafiə, məşğulluq, əfv, səhiyyə, mənzil və yerli icra orqanlarının fəaliyyəti ilə bağlı məsələlər olub.

Gülnar Nazimqızı