Gəlin baxaq o yolda necə nəfər velosiped sürür? - Deputat

Milli Məclisin deputatı Hikmət Babaoğlu paytaxtda skuter və velosiped zolaqlarından istifadə ilə bağlı nəzarətin artırılmasını təklif edib.

Deputat bildirib ki, Parlament prospektində müşahidə kameralarının quraşdırılması real vəziyyətin qiymətləndirilməsinə imkan verə bilər.

Onun sözlərinə görə, bu yolla neçə nəfərin skuter və velosiped zolaqlarından düzgün istifadə etmədiyi aydın görünəcək.

“Yaxşı bir intizam formalaşıb, amma bu prosesə hesabatlı yanaşmalıyıq. Gəlin ictimai dinləmələr keçirək, nəticələrin nə olduğunu görək”, — Babaoğlu vurğulayıb.

Deputatın fikrincə, nəzarət mexanizmlərinin gücləndirilməsi yol hərəkəti təhlükəsizliyinin artırılmasına və şəhər mühitində nizam-intizamın qorunmasına töhfə verə bilər.

Gülnar Nazimqızı