2025-ci ildə tikinti materialları istehsalı 4,3% azalıb

2025-ci ildə Azərbaycanda tikinti materiallarının istehsalı sahəsində istehsalın ümumi dəyəri 1 milyard 462,3 milyon manat təşkil edib. Bu göstərici əvvəlki illə müqayisədə 4,3 faiz azdır. Bu barədə Dövlət Statistika Komitəsindən bildirilib. 

Hesabat dövründə əsas məhsullar üzrə istehsalda azalma qeydə alınıb. Belə ki, beton istehsalı 10,7 faiz, sement klinkerlərinin istehsalı 11,9 faiz, sementdən və betondan kərpiclər və oxşar məmulatların istehsalı 12,4 faiz azalıb.

Əhəng istehsalında isə daha kəskin geriləmə müşahidə olunub – azalma 46,8 faiz təşkil edib.

Gülnar Nazimqızı