Azərbaycandan 67 ölkənin vətəndaşı inzibati qaydada kənarlaşdırılıb

2025-ci il ərzində Azərbaycandan 67 ölkənin vətəndaşının inzibati qaydada ölkə hüdudlarından kənara çıxarılması ilə bağlı qərar qəbul edilib. Bu barədə Reportun sorğusuna cavab olaraq Dövlət Miqrasiya Xidməti məlumat verib.

Qurumun açıqlamasına görə, qərarların əsas səbəbi əcnəbilərin və vətəndaşlığı olmayan şəxslərin ölkədə olma və yaşama qaydalarını pozması olub.

Məlumatda bildirilib ki, inzibati kənarlaşdırma barədə qərar qəbul edilərkən şəxslərin Azərbaycanla hüquqi bağlılığı, törədilən xətanın xarakteri, təqsirin dərəcəsi, əmlak vəziyyəti, eləcə də yüngülləşdirən və ağırlaşdıran hallar nəzərə alınır.