Deputat sosial şəbəkələrlə bağlı təklif verib

Məktəblər arasında yaranan davalar və konfliktlər uşaqların psixoloji travma almasına səbəb olur və bunun əsas səbəblərindən biri sosial şəbəkələrdir. Bunu Milli Məclisin deputatı Razi Nurullayev bildirib.

Deputat qeyd edib ki, bəzi ölkələrdə uşaqlar üçün psixoloq vəzifəsi qanunla tənzimlənir və hər 400–500 uşağa bir psixoloq təyin olunur.

Nurullayev bildirib ki, Azərbaycanda uşaqlar sosial şəbəkələrdən istifadə üçün icazə alırlar, lakin bu, dərslərdən kənar qalmağa və ciddi psixoloji problemlərə səbəb olur. O əlavə edib ki, bəzi hallarda sosial şəbəkələr uşaqlar arasında intihara səbəb olub.

Deputat təklif edir ki, sosial şəbəkələrə giriş məhdudlaşdırılsın və ya qadağan olunsun və uşaqların onlayn oyun və sosial şəbəkələrdən istifadəsinin tənzimlənməsi üçün qanunvericilik tədbirlərinin hazırlansın.

Beynəlxalq təcrübəyə görə, bir sıra ölkələrdə uşaqların sosial şəbəkələrdə istifadəsi müəyyən yaşa qədər qadağan olunur və ya ciddi nəzarət altına alınır. Məqsəd uşaqların təhsilinə mənfi təsirin qarşısını almaq və psixoloji təhlükəsizliyi təmin etməkdir. Azərbaycanda da deputatlar bu təcrübəni nəzərə alaraq sosial şəbəkələrə qanuni tənzimləmə tətbiq olunmasını təklif edirlər.

Gülnar Nazimqızı