Ötən il DOST necə vətəndaşa xidmət edib? - Rəsmi

DOST Çağrı Mərkəzi 142 tərəfindən 2025-ci ildə 1,5 milyon, ümumilikdə isə fəaliyyət göstərdiyi dövr ərzində 8,3 milyondan çox vətəndaş müraciəti cavablandırılıb. Bunu DOST Agentliyinin sədri Fərid Məmmədov ilin yekunlarına dair brifinqdə bildirib.

Onun sözlərinə görə, vətəndaş məmnunluğu səviyyəsi 95% təşkil edib. Çağrı Mərkəzinə zəng edənlərin cavab üçün orta gözləmə müddəti 51 saniyə, orta xidmət müddəti isə 3 dəqiqə 7 saniyə olub.

Məmmədov qeyd edib ki, DOST Agentliyinin fəaliyyəti beynəlxalq arenada da yüksək qiymətləndirilir.

 Agentlik indiyədək 36 beynəlxalq keyfiyyət və mükəmməllik sertifikatına layiq görülüb.

 Ötən il DOST modelinin Rumıniya, Serbiya və Xorvatiyada tətbiqi məqsədilə müvafiq qurumlarla işgüzar əlaqələr qurulub, “bir pəncərə” sisteminin tətbiqi üzrə Özbəkistan və Moldova ilə əməkdaşlıq davam etdirilib.

Gülnar Nazimqızı