Azərbaycanda 2 fevral Gənclər Günü qeyd olunur

Hər il fevralın 2-si Azərbaycanda Gənclər Günü kimi qeyd edilir.

Bu tarix 1996-cı il fevralın 2-də keçirilmiş Azərbaycan gənclərinin ilk ümumrespublika forumu ilə bağlıdır. Forumda ümummilli lider Heydər Əliyev iştirak edib.

1997-ci ildə Prezident Heydər Əliyevin imzaladığı sərəncama əsasən, fevralın 2-si rəsmi olaraq Azərbaycanda Gənclər Günü elan olunub.

Hazırda ölkə əhalisinin əhəmiyyətli hissəsini təşkil edən gənclər dövlətin sosial-iqtisadi və ictimai-siyasi həyatında əsas hədəf qruplarından biri hesab olunur.