Süni zəka ilə bağlı hazırlanan materiallar etiketlənməlidir - Təklif

Azərbaycanda deepfake və süni zəka ilə yaradılmış materiallarla bağlı hüquqi tənzimləmə hələlik mövcud deyil, nəticədə sosial platformalarda istifadəçilər sərbəst şəkildə şəxslərin səsini və görüntülərini istifadə edə bilirlər. Bunu deputat Azay Quliyev bildirib.

Quliyev vurğulayıb ki, yaz sessiyasının gündəliyinə rəqəmsal platformalarla bağlı qanun layihəsi daxil edilməlidir.

Onun sözlərinə görə, qanunda şəxslərin səsinin və görüntüsünün icazəsiz istifadəsi üçün cinayət məsuliyyəti müəyyən edilməli, süni zəka ilə yaradılan materiallar isə müvafiq etiketlə təqdim olunmalıdır.

Deputat əlavə edib ki, bu addımlar ictimaiyyəti və fərdi şəxsləri qorumaq, eyni zamanda sosial media və rəqəmsal platformalarda məsuliyyət mexanizmlərini yaratmaq baxımından vacibdir.

Gülnar Nazimqızı