Milli Məclisdə Hesablayıcı və İntizam komissiyaları yeni tərkibdə formalaşıb

Milli Məclisin Hesablayıcı və İntizam komissiyaları yeni tərkibdə formalaşıb. Bu barədə Milli Məclisin iclasında qərar qəbul olunub. 

İclas zamanı komissiyaların yaradılması ilə bağlı qərar layihələri müzakirəyə çıxarılıb və hər iki layihə bir oxunuşda səsə qoyularaq qəbul edilib.

Hesablayıcı komissiyasının tərkibinə deputatlar Eldar Quliyev, Mixail Zabelin, Sevinc Hüseynova, Naqif Həmzəyev, Rövşən Muradov, Soltan Məmmədov və Səbinə Salmanova daxil edilib.

İntizam komissiyasının tərkibinə isə Eldar İbrahimov, Asim Mollazadə, Kamal Cəfərov, Afət Həsənova, Məlahət İbrahimqızı, Kəmaləddin Qafarov, Səttar Möhbaliyev, Nəsib Məhəməliyev, Hikmət Məmmədov, Məşhur Məmmədov və Nizami Səfərov seçiliblər.

Gülnar Nazimqızı