Gəncədə 24 yaşlı oğlanın öldürülməsi ilə bağlı cinayət işi başlanıb

Gəncədə 24 yaşlı gəncin ölümü faktı ilə bağlı qəsdən adam öldürmə maddəsi üzrə cinayət işi başlanıb.

Gəncə Şəhər Prokurorluğunun məlumatına görə, fevralın 3-də 2001-ci il təvəllüdlü Röyal Məmmədovun müxtəlif dərəcəli xəsarətlər alaraq xəstəxanaya yerləşdirilməsi və sonradan aldığı xəsarətlərdən vəfat etməsi barədə prokurorluğa məlumat daxil olub.

İlkin istintaq tədbirləri nəticəsində cinayətin 1988-ci il təvəllüdlü Murad Hacıyev tərəfindən törədilməsinə dair əsaslı şübhələr müəyyən edilib.

Fakt üzrə Azərbaycan Respublikası Cinayət Məcəlləsinin 120.1-ci maddəsi (qəsdən adam öldürmə) ilə cinayət işi başlanıb. M.Hacıyev iş üzrə şübhəli şəxs qismində tutulub.

Hazırda hadisənin başvermə şəraiti və motivləri araşdırılır, istintaq tədbirləri davam etdirilir.