Bakı şəhərində çoxillik ağacların kəsilməsi ilə bağlı iki nəfər saxlanılıb

“Ağ Şəhər” ərazisində çoxillik həmişəyaşıl ağacların kəsilməsi faktı ilə bağlı Xətai Rayon Polis İdarəsində cinayət işi başlanıb. Bu barədə Qafqazinfo məlumat yayıb. 

Daxili İşlər Nazirliyinin (DİN) Mətbuat Xidmətindən bildirilib ki, əməli törətməkdə şübhəli bilinən iki nəfər saxlanılaraq məsuliyyətə cəlb edilib. Həmin faktla bağlı ekspertizalar təyin edilib.