Ağcəbədidə 7 yaşlı uşaq bıçaqlanıb, vəziyyəti orta ağırdır/Yenilənib

(Yazıya qara hərflərlər Daxili İşlər Nazirliyinin mövqeyi əlavə olunub) 

Ağcabədidə 2019-cu il təvəllüdlü 7 yaşlı oğlan uşağı bədənin müxtəlif nahiyələrinin çoxsaylı kəsilmiş və deşilmiş yaraları ilə Ağcabədi Rayon Mərkəzi Xəstəxanasına yerləşdirilib.

Tibb müəssisəsinin anews.az-ın sorğusuna cavab olaraq bildirilib ki,  hadisə 4 fevral 2026-cı il, saat 18:00 radələrində baş verib və azyaşlı Təcili tibbi yardım şöbəsinə qəbul olunub. Yaralı dərhal əməliyyat blokuna alınıb, əməliyyat icra edildikdən sonra müalicəsi Reanimasiya şöbəsində davam etdirilir. Hazırda onun vəziyyəti orta ağır qiymətləndirilir.

 Faktla bağlı hüquq-mühafizə orqanları tərəfindən istintaq aparılır.

****

DİN-in Mətbuat Xidmətinin Bərdə regional qrupundan anews.az bildirilib ki, polis əməkdaşlarının keçirdikləri tədbirlərlə əməli törətməkdə şübhəli bilinən yetkinlik yaşına çatmayan 1 nəfər müəyyən edilib.

Gülnar Nazimqızı