Sabah Vardaryanın məhkəməsidir

Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, terrorçuluq və terrorçuluğun maliyyələşdirilməsi daxil olmaqla bir neçə ağır maddəsi üzrə təqsirləndirilən Ermənistan vətəndaşı Ruben Vardanyan barəsində cinayət işi üzrə məhkəmə iclası fevralın 10-da davam etdiriləcək. Bu barədə Bakı Hərbi Məhkəməsi məlumat verib.

Məlumata görə, işə hakim Zeynal Ağayevin sədrliyi ilə, hakimlər Anar Rzayev və Camal Ramazanovun daxil olduğu məhkəmə heyəti baxır, ehtiyat hakim Günel Səmədovadır. R.Vardanyanın 2025-ci il dekabrın 30-na təyin olunmuş iclası məhkəmə heyətinin digər cinayət işi üzrə müşavirəyə getməsi səbəbindən qeyri-müəyyən müddətədək təxirə salınmışdı.

Rəsmi ittihama əsasən, Ruben Vardanyan Azərbaycan Respublikası CM-in 30-dan çox maddəsi ilə, o cümlədən:

100.1–100.2 (təcavüzkar müharibəni planlaşdırma və aparma), 107–116 (deportasiya, təqib, işgəncə, beynəlxalq humanitar hüququn pozulması), 120 və 29,120 (qəsdən adam öldürmə və cəhd), 214 və 214-1 (terrorçuluq və terrorçuluğun maliyyələşdirilməsi), 218 (cinayətkar birlik yaratma), 228, 270-1, 278, 279, 318.2 (qanunsuz silahlı birləşmələr, dövlət təhlükəsizliyi və sərhədin qanunsuz keçilməsi) üzrə ittiham olunur.

Məlumatda bildirilir ki, Ruben Vardanyan barəsində başlanmış cinayət işinin ibtidai istintaqı Dövlət Təhlükəsizliyi Xidmətində aparılıb.

Məhkəmə prosesi Azərbaycan qanunvericiliyinə uyğun olaraq açıq şəkildə davam etdirilir və iclasların gedişi barədə əlavə məlumatın verilməsi gözlənilir.

Aytac