Azərbaycanda 63%-dən çox uşaq sosial şəbəkədən istifadə edir - Rəsmi

Sosial Tədqiqatlar Mərkəzinin 2025-ci il sorğusuna görə, məktəbyaşlı övladı olan respondentlərin 63,5%-i övladının sosial mediadan istifadə etdiyini, 36,5%-i isə istifadə etmədiyini bildirir. Sorğu mərkəzin sədri deputat Zahid Oruc tərəfindən Milli Məclisdə təqdim edilib.

Uşaqların ən çox istifadə etdiyi sosial media platformaları aşağıdakı sıralamaya malikdir:

YouTube: 69,1%, WhatsApp: 47,9%, TikTok: 33,0%. 

Orta və aşağı səviyyədə istifadə olunan platformalar: Instagram (19,1%), Snapchat (9,6%), Facebook (8,5%), Telegram (5,3%), X/Twitter (2,1%).

Gündəlik istifadə müddəti üzrə statistik göstəricilər belədir:

5 saat və daha çox: 18,1%, 3–4 saat: 24,5%, 1–2 saat: 31,9%, 1 saatdan az: 22,3%

Sorğuda iştirak edən şagirdlərin yalnız 10,5%-i son 3 ildə məktəb psixoloquna müraciət edib və fayda görüb. 86,4%-i ehtiyac duymadığı üçün müraciət etməyib.

“Uşaq hüquqları haqqında” qanun barədə məlumatlılıq səviyyəsi 52,6%, məlumatı olmayanlar isə 47,4% təşkil edir. Məktəblərdə uşaqların hüquqları ilə bağlı tədris haqqında məlumat verənlərin faizi 62,2%, əks mövqedə olanlar isə 29,7%-dir.

Uşaqların müdafiəsi üçün yaradılan “Uşaq Qaynar Xətt” xidməti barədə məlumatlılıq səviyyəsi 48,6%, məlumatı olmayanlar isə 51,4%-dür.

Gülnar Nazimqızı