Sahibkarları maliyyə sanksiyaları ilə cəzalandırmaq olmaz - Deputat

Cərimə sanksiyalarının həcmi bəzi hallarda həddindən artıq yüksək olur. Bunu deputat Eyvaz Qurbanov bildirib. 

Onun sözlərinə görə, bu cür cərimələr sahibkarların fəaliyyətinə ciddi təsir göstərir.

Deputat qeyd edib ki, məsələn, hər hansı kənddə fəaliyyət göstərən kərpic zavoduna tətbiq edilən iri məbləğli cərimələr bəzən ödənilməsi mümkün olmayan səviyyədə olur. Bu isə müəssisənin bağlanmasına, nəticədə isə işçilərin işsiz qalmasına səbəb ola bilər. Onun fikrincə, sahibkarları bu qədər böyük maliyyə sanksiyaları ilə cəzalandırmaq düzgün yanaşma deyil.

Deputat Sadiq Qurbanov isə bildirib ki, sanksiyaların əsas məqsədi pozuntuların qarşısını almaq və qanun pozuntularından çəkindirməkdir.

Gülnar Nazimqızı