Baku TV 8 illik fəaliyyətini qeyd edir

Baku TV 8 illik fəaliyyətini qeyd edir. Kanal Global Media Group-un üzvüdür.

2018-ci ildən fəaliyyət göstərən Baku TV operativ xəbərçilik, obyektiv yanaşma və məsuliyyətli jurnalistika prinsiplərini əsas götürərək qısa müddətdə ölkənin aparıcı media platformalarından birinə çevrilib.

Kanal gündəlik xəbər axını ilə yanaşı, analitik proqramlar, xüsusi reportajlar və sənədli layihələrlə ictimai əhəmiyyətli mövzuların işıqlandırılmasını təmin edir.

Baku TV beynəlxalq idarəetmə standartlarına uyğun fəaliyyət göstərir və ISO 9001:2015, ISO 14001:2015 və ISO 45001:2018 standartlarına uyğun idarə olunur.

Kanal beynəlxalq media əməkdaşlıqlarını genişləndirir, müxtəlif ölkələrin aparıcı media qurumları ilə tərəfdaşlıq əlaqələri qurur.

Rəqəmsal platformalarda da yüksək göstəricilər əldə olunub – YouTube kanalında ümumi baxış sayı 1 milyardı ötüb, abunəçi sayı isə 2,5 milyondan çoxdur.

Baku TV kabel və peyk yayımı vasitəsilə Avropa və Asiya ərazisində yayımlanır.