Bakıda “ayıq sürücü” adı ilə avtomobildən 11 min manat oğurlayan şəxs saxlanılıb

Paytaxtın Xətai rayonu ərazisində Land Rover istehsalı olan “Range Rover” markalı avtomobildən 11 000 manat oğurlanması faktı üzrə şübhəli bilinən şəxs saxlanılıb.

Polisin keçirdiyi tədbirlər nəticəsində 34 yaşlı R.Quliyev müəyyən olunaraq tutulub.

Araşdırmalar zamanı məlum olub ki, o, hadisə vaxtı avtomobil sahibinə “ayıq sürücü” xidməti göstərdiyini bildirərək nəqliyyat vasitəsinin sükanı arxasına keçib. Avtomobili qarajda saxladıqdan sonra isə zərərçəkənin diqqətsizliyindən istifadə edərək saxlanc yerində olan pul vəsaitini talayıb.

Eyni rayon ərazisində keçirilən digər əməliyyat tədbiri nəticəsində bank kartından 723 manat oğurlamaqda şübhəli bilinən 35 yaşlı S.Ramazanov və əvvəllər məhkum olunmuş 25 yaşlı X.Mehdiyev də müəyyən olunaraq saxlanılıblar.

Faktlarla bağlı araşdırmalar davam etdirilir.

Aytac