Azərbaycan nefti ucuzlaşıb

Dünya bazarında Azeri Light markalı Azərbaycan neftinin bir barelinin qiyməti 68,92 ABŞ dolları olub, bu, əvvəlki göstəricidən 1,44 ABŞ dolları və ya 2,05 % azalma deməkdir. 

Hərracların nəticələrinə görə, Brent markalı neftin aprel fyuçerslərinin qiyməti 69,74 ABŞ dolları təşkil edib.

Türkiyənin Ceyhan limanında FOB bazasında Azeri Light markalı neftin bir bareli 66,28 ABŞ dolları qiymətləndirilərək 1,49 ABŞ dolları və ya 2,2 % azalıb.

Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları hesablanıb.

 Azeri Light neftinin ən aşağı qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları qeydə alınıb. Azərbaycanda bu markalı neft Azəri-Çıraq-Günəşli (AÇG) yataqları blokunun işlənməsi haqqında müqavilə çərçivəsində hasil edilir. Müqavilədə **SOCAR**ın payı 31,65 % təşkil edir.