Mingəçevirdə pəncərədən yıxılan şagirdin vəziyyəti kafidir - Yenilənib

Mingəçevirdə pəncərədən yıxılan 11-ci sinif şagirdinin vəziyyəti kafidir.  Bu barədə Anews.az-ın sorğusuna cavab olaraq TƏBİB-dən bildirilib.

"2008-ci il təvəllüdlü yeniyetməyə sağ topuq nahiyəsinin yerdəyişən sınığı diaqnozu təyin olunub və zəruri tibbi yardım göstərilib. Vəziyyəti kafi qiymətləndirilən şəxs ambulator müalicə üçün evə buraxılıb",- məlumatda qeyd olunub.

***

Bu gün Mingəçevirdəki Mehdi Hüseynzadə adına 3 nömrəli tam orta məktəb-in 11-ci sinif şagirdi pəncərədən yıxılıb.

Şagirdin necənci mərtəbədən yıxılması idarə tərəfindən açıqlanmayıb. 

Mərkəzi Aran Regional Təhsil İdarəsindən "Azərbaycan müəllimi"nə bildirilib ki, dərhal təcili tibbi yardım çağırılıb, şagirdə ilkin yardım göstərildikdən sonra müayinə üçün müvafiq səhiyyə müəssisəsinə yönləndirilib.

Valideynlər və hüquq-mühafizə orqanları məlumatlandırılıb, xəsarət almış şagirdin vəziyyəti idarə tərəfindən nəzarətdə saxlanılır. Rəsmi açıqlamaya görə, ictimaiyyətdən hadisə ilə bağlı yalnız rəsmi qurumların məlumatlarına istinad etmələri xahiş olunur.

Aytac Zeynalova