Ərəstun Oruclu qiyabi olaraq 8 il azadlıqdan məhrum edilib

Dövlət əleyhinə çağırışlarda təqsirləndirilən Ərəstun Oruclu  8 il müddətinə azadlıqdan məhrum edilib.

APA-nın məlumatına görə, Bakı Ağır Cinayətlər Məhkəməsi-ndə hakim Babək Pənahov-un sədrliyi ilə keçirilən iclasda qiyabi hökm elan olunub. 

Məlumata görə, o, Cinayət Məcəlləsinin dövlət əleyhinə açıq çağırışlarla bağlı 281.2-ci maddəsi üzrə təqsirləndirilib, istintaqdan yayındığı üçün barəsində axtarış elan olunub və qiyabi həbs qətimkan tədbiri seçilib.

Daha sonra ittiham genişləndirilərək ona qarşı əlavə maddələr üzrə də ittiham irəli sürülüb. İstintaqın versiyasına görə, Oruclu 2023 və 2024-cü illərdə YouTube platformasında yayımlanan şəxsi kanalında və Azərfreedom TV üzərindən hakimiyyətə qarşı zorakı çıxışlara çağırışlar edib.

Onun barəsində qiyabi həbs qərarı ötən il Binəqədi Rayon Məhkəməsi tərəfindən verilib.