Gəncədə avtomobillər toqquşdu

Gəncədə yol-nəqliyyat hadisəsi baş verib.

“Qafqazinfo” xəbər verir ki, hadisə şəhərin Ozan küçəsi ilə Xudatbəy Rəfibəyli küçəsinin kəsişməsində qeydə alınıb.

Belə ki, “VAZ 2107” və “Hyundai” markalı avtomobillər toqquşub.

Qəza zamanı xəsarət alan şəxslər 1973-cü il təvəllüdlü Mübariz Huseynov, 1990-cı il təvəllüdlü Pərviz Əhmədov, 1991-ci il təvəllüdlü Sahib Cəfərovdur.

Qeyd edək ki, yaralılar xəstəxanaya yerləşdirilib.

Faktla bağlı araşdırma başlanılıb.