Balakənin sabiq icra başçısının həbs müddəti 3 ay uzadılıb

Dövlət Təhlükəsizliyi Xidməti (DTX) tərəfindən saxlanılan Balakən rayon icra hakimiyyətinin sabiq başçısı İslam Rzayev barəsində həbs qətimkan tədbiri 3 ay müddətinə uzadılıb. Bu barədə Report məlumat yayıb.

Səbail Rayon Məhkəməsində qəbul olunan qərar 2025-ci ilin oktyabrında DTX-nin Balakən Rayon İcra Hakimiyyətində keçirdiyi əməliyyat nəticəsində saxlanmış İ.Rzayevə şamil olunur.

İslam Rzayev Azərbaycan Respublikasının Cinayət Məcəlləsinin 179.3.2 (külli miqdarda mənimsəmə) və 311.3.2 (təkrar rüşvət alma) maddələri ilə ittiham olunur. Araşdırmalar davam edir.