Yanvarda TƏBİB 7,7 milyondan çox tibbi xidmət göstərib

TƏBİB 2026-cı ilin yanvar ayında tabeliyində fəaliyyət göstərən tibb müəssisələrində ümumilikdə 7 727 958 tibbi xidmət göstərildiyini açıqlayıb.

Qurumun məlumatına görə, hesabat dövründə 2 265 488 müraciət qeydə alınıb. Onlardan 48 553-ü stasionar, 2 216 935-i ambulator olub. Bu göstərici 2025-ci ilin eyni dövrü ilə müqayisədə müraciətlərin ümumi sayında 8 % artım deməkdir.

Yanvar ayında göstərilən tibbi xidmətlərin 1 074 206-sı stasionar, 6 653 752-si ambulator olub. Ümumilikdə xidmətlərin sayı ötən ilin eyni ayı ilə müqayisədə 10 % artıb.

Laborator xidmətlərdə də artım müşahidə edilib. Hesabat dövründə 3 426 087 laborator müayinə aparılıb. Bunların 568 323-ü stasionar, 2 857 764-ü ambulator xidmətlər olub ki, bu da illik müqayisədə 12 % artım deməkdir.

Eyni zamanda ay ərzində 29 284 cərrahi əməliyyat və prosedur icra olunub (27 935 stasionar, 1 349 ambulator). Bu sahədə artım 4 % təşkil edib.

Qurum qeyd edir ki, göstəricilərdəki artım tibb müəssisələrinə müraciətlərin və göstərilən xidmətlərin genişlənməsi ilə bağlıdır.

Aytac